महामार्ग पोलीसांच्या सतर्कतेमुळे मोटरसायकलसह खोलदरीत पडलेल्या तरुणाचे प्राण वाचले

उपसंपादक – कल्पेश महाले 

चाळीसगांव – तालुक्यातील गोरख शिवराम राठोड वय ४८,  रा. शिवापूर तांडा ही व्यक्ती काल दि. ५ मार्चला दुपारी १.३० वाजेच्या सुमारास MH 52 A 1075 या मोटारसायकल वरून कन्नड घाट (औट्रम घाट) उतरत असतांना घाटातील मेणबत्ती पॉईंटजवळ त्याचा मोटारसायकलवरील ताबा गेल्याने तो ३०० फुट खोल दरीत मोटारसायकलसह कोसळला. या अपघातात त्याच्या हातापायाला व डोक्याला गंभीर मार लागला होता. या अपघाताची माहिती मिळताच चाळीसगांव महामार्ग पोलीस विभागाचे सहाय्यक पोलीस निरीक्षक सतिष पाटील व त्यांचे सहकारी हवालदार योगेश पवार, शेषराव राठोड, संदिप जगताप हे तातडीने घटनास्थळी पोहोचले.

या सर्वांनी खोल दरीत उतरून जखमी राठोडला अक्षरश: खांद्यावर उचलून दरीतून वर आणले आणि नंतर त्याला एका खासगी रुग्णवाहिकेत टाकून शासकीय रूग्णालयात उपचारार्थ रवाना केले.