चाळीसगाव येथे वंचित बहुजन आघाडीचा पक्षप्रवेश मेळावा उत्साहात संपन्न..

चाळीसगाव तालुका प्रतिनिधी :- कलीम सैय्यद

चाळीसगाव (दि. ४ नोव्हेंबर २०२५) — वंचित बहुजन आघाडी पक्षाच्या वतीने चाळीसगाव येथे पक्षप्रवेश व कार्यकर्ता मेळावा मोठ्या उत्साहात पार पडला.

या मेळाव्याचे नियोजन व आयोजन माजी शहराध्यक्ष सागर निकम यांच्या पुढाकाराने करण्यात आले.

कार्यक्रमाला जळगाव जिल्हाध्यक्ष श्री. ईश्वर (लाला) पाटील यांच्या अध्यक्षतेखाली सुरुवात झाली.

तालुक्यातील विविध गावांमधील शेकडो कार्यकर्त्यांनी आणि चाळीसगाव शहरातील अनेक कार्यकर्त्यांनी आज वंचित बहुजन आघाडीत प्रवेश करून पक्षाच्या राजकीय वाटचालीला नवी दिशा दिली.

यामध्ये तालुका तसेच शहरातील अनेक आजी-माजी पदाधिकारी, कार्यकर्ते, महिला प्रतिनिधी यांनी उत्स्फूर्त सहभाग घेतला.

तालुका व शहरातील सर्व पदाधिकाऱ्यांनी नव्याने पक्षप्रवेश केलेल्या कार्यकर्त्यांचे हार्दिक अभिनंदन करून त्यांचे स्वागत केले.

जिल्हाध्यक्ष लाला सर यांनी मार्गदर्शन करताना सांगितले की —

“येणाऱ्या स्थानिक स्वराज्य संस्थांच्या निवडणुकांसाठी सर्वांनी तयारीला लागा.

जिल्हा परिषद, पंचायत समिती आणि नगरपालिका या निवडणुका स्वबळावर लढवून सत्ता आपल्या हाती आणायची आहे.

आपल्या प्रत्येक कार्यकर्त्याने आपल्या क्षेत्रात जनसंपर्क साधून चांगल्या प्रतीचे उमेदवार निवडावेत,

जेणेकरून सन्माननीय प्रकाश आंबेडकर साहेबांचे हात बळकट होतील.”

या वेळी जिल्हा युवा अध्यक्ष जितेंद्र केदार, जिल्हा महासचिव अ‍ॅड. रवींद्र ब्राह्मणे, जिल्हा उपाध्यक्ष अनिल लोंढे,

जिल्हा महासचिव अमित तडवी, चाळीसगाव ग्रामीणचे माजी तालुकाध्यक्ष विलास चव्हाण,तसेच माजी शहराध्यक्ष सागर निकम उपस्थित होते.

यावेळी चाळीसगाव तालुका आणि शहरातील अनेक मान्यवर कार्यकर्ते उपस्थित होते.

त्यात माजी तालुका उपाध्यक्ष हंसराज पगारे, शहर प्रसिद्ध प्रमुख भीमराव मोरे, संदीप कांबळे, देवदास जाधव, शरद जाधव, कल्पना शेजवळ, मिलिंद भालेराव यांचा विशेष सहभाग होता.

सर्व कार्यकर्त्यांनी एकजुटीने वंचित बहुजन आघाडीच्या विचारधारेचा प्रसार करण्याची आणि येणाऱ्या स्थानिक स्वराज्य निवडणुकांमध्ये पक्षाला भक्कम यश मिळवून देण्याची शपथ घेतली.