अवैधरीत्या गांजा बाळगणारा आरोपी एम.आय.डी.सी. पोलीस स्टेशन कडुन गजाआड.
उपसंपादक – कल्पेश महाले
जळगांव – एमआयडीसी पोलीस स्टेशन कडील नेमणुकिस असलेले पो.ना. प्रदीप चौधरी यांना गोपनीय बातमी मिळाली होती की, एक इसम हा मेहरुण बगीचा परीसरात गांजा ताब्यात बाळगुन विक्री करण्याच्या उद्देशाने मोटार सायकल वर फिरत आहे. सदरची बातमी ही पो.ना. प्रदीप चौधरी यांनी लगेच पोलीस निरीक्षक संदीप पाटील यांना कळविली असता, त्यांनी स्वतः तसेच पो.उप.नि.राहुल तायडे, चंद्रकांत धनके, स.फौ. दत्तात्रय बडगुजर, पो.ना. योगेश बारी, पो.कॉ. नितीन ठाकुर, राहुल घेटे, योगेश घुगे अशांचे पथक तयार केले. सदर पथकाने गांजा विक्री करणाऱ्या इसमाचा शोध घेत असतांना तो शिवाजी महाराज उद्यान मेहरुण बगीचा येथे शोध घेता सदर ईसमास पळुन जाण्याची संधी न देता त्यास चारही बाजुंनी सापळा रचुन एका संशईतांस ताब्यात घेतले. त्याचेजवळ एक गांजा भरलेली गोणी मिळुन आल्याने पोलीस निरीक्षक संदीप भटू पाटील यांनी शासकिय पंच, फोटोग्राफर, वजनकाटा धारक, फॉरेन्सीक व्हॅन यांना घटनास्थळी पाचारण करुन संशईत मुकेश विष्णु अभंगे, वय ४३ वर्ष, रा कंजरवाडा तांबापुर जळगाव याचे ताब्यातुन ०९ किलो ५२२ ग्रॅम गांजा आणी होंडा युनीकॉर्न मोटार सायकल असा एकुण १,०७,१३२/- रुपये चा मुद्देमाल जप्त केला आहे. पोना प्रदीप चौधरी यांचे फिर्यादीवरुन एनडीपीएस कलम ८ (क)२० (ब) २ (ब) प्रमाणे गुन्हा दाखल केला आहे. सदर गांजा बाळगणाऱ्यास अटक करण्यात आली आहे. सदर गुन्हयाचा तपास पो.उप.नि. सचिन नवले, पो.कॉ.चेतन पाटील हे करीत आहे.
सदरची कारवाई ही पोलीस अधीक्षक महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी संदीप गावीत, यांचे मार्गदर्शनाखाली करण्यात आलेली आहे.
या परिसरात अवैधरीत्या कोणी अंमली पदार्थाची विक्री करीत असल्यास त्याबाबत एम.आय.डी.सी. पोलीस स्टेशनला तात्काळ खबर द्यावी खबर देणाऱ्याचे नांव गोपणीय ठेवण्यात येईल. असे आवाहन एम.आय.डी.सी. पोलीस स्टेशन तर्फे सर्व नागरीकांना करण्यात आले आहे.
