योजनाताई पाटील यांच्यावर भाजपा महिला मोर्चा भडगांव मंडल अध्यक्षपदाची धुरा; कार्यकर्त्यांकडून जंगी स्वागत!

भडगांव प्रतिनिधी : -भारतीय जनता पार्टी जळगाव पश्चिम भडगांव मंडळ कार्यकारणी मा. मुख्यमंत्री ना. देवेन्द्र फडणवीस, भाजपा प्रदेशाध्यक्ष आमदार रवींद्र चव्हाण यांच्या आदेशान्वये नामदार गिरीश महाजन, महामंत्री राजेश पांडे, प्रभारी रविंद्र अनासपुरे, खासदार स्मिताताई वाघ, आमदार मंगेश चव्हाण, यांच्या मार्गदर्शनाने जिल्हाध्यक्ष डॉ. राधेश्याम चौधरी यांच्या मान्यतेने भडगांव मंडल अध्यक्ष विनोद नेरकर यांनी भडगांव मंडल भाजपा महिला मोर्चा अध्यक्षपदी योजना पाटील यांची निवड जाहीर केली आहे. योजना पाटील यांचे भडगांव शहर तालुक्यात सामाजिक, सांस्कृतिक, क्षौक्षणिक, धार्मिक, शासकीय योजना, सहकार क्षेत्रात मोठे योगदान आहे, सदर योगदानाची दखल घेत त्यांना ही जबाबदारी पक्षाकडून देण्यात आली आहे. योजनाताई पाटील यांनी भडगांव नगरपरिषद, शेतकरी सहकारी संघ, महिला दक्षता समिती, संजय गांधी निराधार योजना, पिपल्स बँक, तनिष्का यशस्विनी सामाजिक जनजागृती अभियान, दामिनी महिला संघ आदी प्रमुख पदावर यशस्वीरित्या सेवा कार्य आहे. त्यांच्या निवडीचे पक्ष पदाधिकारींसह माजी आमदार दिलीप वाघ, निर्मल सिडस्  संचालिका वैशाली सूर्यवंशी, युवा नेते अमोल शिंदे, किसान शिक्षण संस्थेचे चेअरमन प्रताप पाटील, पीटीसी शिक्षण संस्थेचे चेअरमन संजय वाघ आदींसह विविध क्षेत्रातील मान्यवर पदाधिकारी कार्यकर्ते यांनी अभिनंदन केले आहे.

नवनिर्वाचित अध्यक्षांची प्रतिक्रिया: पक्षाने टाकलेल्या विश्वासाबद्दल आभार मानत, आगामी काळात महिलांच्या समस्या सोडवण्यासाठी आणि पक्षाची संघटनात्मक बांधणी अधिक मजबूत करण्यासाठी कार्य करणार असल्याचे त्यांनी सांगितले.