कासोदा पोलिसांची मोठी कारवाई; API श्रीकांत पाटील यांच्या नेतृत्वाखाली २.९० लाखांचा मुद्देमाल जप्त…!

सत्यकाम न्यूज नेटवर्क कासोदा :-इमरान शेख उपसंपादक

कासोदा पोलीस स्टेशन हद्दीत अवैधरित्या जनावरांची वाहतूक करणाऱ्या वाहनावर सपोनि श्रीकांत अंकुश पाटील यांच्या मार्गदर्शनाखाली मोठी कारवाई करण्यात आली आहे.

दिनांक १४/०९/२०२६ रोजी सकाळी ०९:३० वाजता फरकांडे गावाजवळील सहकारी दूध डेअरीजवळ गावकऱ्यांच्या मदतीने सदर कारवाई करण्यात आली. एका मालवाहू वाहनात ३ गायींना दोरीने बांधून वेदनादायक पद्धतीने कत्तलीसाठी नेत असल्याचे निदर्शनास आले.

जप्त मुद्देमाल :-१) ३ गायी – किंमत ४०,०००/-

२) अशोक लेलँड वाहन क्र. गाडी क्रमांक MH-19-CY-3850- किंमत २,५०,०००/-

एकूण मुद्देमाल : २,९०,०००/- रुपये

अटक आरोपी :-१) चंद्रकांत बापू पवार (४०) रा. म्हसवे, ता. पारोळा – वाहन चालक व मालक

२) सुरेश भावडू सोनावणे, रा. म्हसवे – गायी विकणारा

३) राहुल गोरख वाघ, रा. खडके, ता. एरंडोल – विकत घेणारा

सदर प्रकरणी कासोदा पोलीस स्टेशन येथे गु.र.नं. १४४/२०२६ अन्वये प्राण्यांना क्रूरतेने वागण्यास प्रतिबंध अधिनियम १९६० चे कलम ११(क)(घ)(ड) सह महाराष्ट्र पशु संरक्षण अधिनियम व मोटर वाहन कायद्यान्वये गुन्हा दाखल करण्यात आला आहे.

कारवाई करणारे पथक :-सपोनि श्रीकांत पाटील यांच्या मार्गदर्शनाखाली पोना नरेंद्र पाटील, पोशि योगेश पाटील, लहू हाटकर, कुणाल देवरे यांनी कारवाई केली असून पुढील तपास पोना २१७३ नरेंद्र महादू पाटील करीत आहेत.