जळगावच्या पोलीस अधीक्षकपदी श्रीकांत धिवरे; महेश्वर रेड्डींची सीआयडी  CID पुणे येथे बदली…!

जळगाव प्रतिनिधी:-कलीम सैय्यद

महाराष्ट्र पोलीस दलात आज  २० एप्रिल २०२६ एकाच वेळी ९ आयपीएस IPS अधिकाऱ्यांच्या बदल्या करण्यात आल्या असून, यात जळगाव जिल्ह्याचे पोलीस अधीक्षक डॉ. महेश्वर रेड्डी यांची बदली करण्यात आली आहे. त्यांच्या जागी धुळे येथील पोलीस अधीक्षक श्रीकांत धिवरे यांची जळगावचे नवीन पोलीस अधीक्षक म्हणून नियुक्ती करण्यात आली आहे.

महेश्वर रेड्डी यांची CID पुणे येथे बदली

गेल्या काही काळापासून जळगाव जिल्ह्यात कार्यरत असलेले पोलीस अधीक्षक डॉ. महेश्वर रेड्डी यांची पुणे येथील राज्य गुन्हे अन्वेषण विभागात CID पोलीस अधीक्षक पदावर बदली करण्यात आली आहे. त्यांच्या कार्यकाळात झालेल्या प्रमुख कारवाया आणि प्रशासकीय बाबींची दखल घेतली गेली आहे.

धुळ्याचे धिवरे जळगावच्या नेतृत्वाखाली

धुळे जिल्ह्याचे पोलीस अधीक्षक म्हणून कार्यभार सांभाळलेले श्रीकांत धिवरे आता जळगाव जिल्हा पोलीस दलाची धुरा सांभाळतील. त्यांच्याकडे यापूर्वीचा अनुभव पाहता जळगावमधील कायदा व सुव्यवस्था राखण्याचे मोठे आव्हान असेल.

बदलीची पार्श्वभूमी

राज्यातील आयपीएस अधिकाऱ्यांच्या प्रशासकीय बदल्या आणि पदोन्नतीचा भाग म्हणून हे फेरबदल करण्यात आले आहेत. या बदल्यांमध्ये सातारा, सांगली, कोल्हापूर या जिल्ह्यांमधील वरिष्ठ अधिकाऱ्यांच्याही बदल्या झाल्या आहेत.

जिल्हाभरात पोलीस दलात चर्चा

या बदलीमुळे जळगाव जिल्ह्यातील पोलीस दलात मोठी खळबळ उडाली असून, वरिष्ठ निरीक्षकांच्या बदल्यांचाही सिलसिला सुरू आहे. नवीन अधीक्षक श्रीकांत धिवरे लवकरच आपला पदभार स्वीकारतील..