उपसंपादक – कल्पेश महाले
जळगाव – तक्रारदार पुरुष वय-34, रा.खेडी बु.जि. जळगाव येथील असून तक्रारदार यांच्या बांधकामाचे परवानगीचे व बांधकाम झालेले घराचे भोगवटा प्रमाणपत्र देण्याचे प्रकरण मंजूर करण्यासाठी परवानगी साठी नगर रचना विभाग महानगरपालिका जळगांव येथे एकूण ३ प्रकरणे दाखल केली आहेत. त्यात पहिल्या प्रकरणात पडताळणी करण्यासाठी पाठवले असता मनोज समाधान वन्नेरे, वय ३४ वर्षे, नगररचना सहाय्यक, नगररचना विभाग , महानगरपालिका जळगाव याने पहिल्या प्रकरणात २१,००० रुपये व तडजोड अंती १५,००० व दुसऱ्या प्रकरणात १५,००० रुपयाची लाच मागितली होती. तसेच आयुक्त, मनपा जळगाव व सहाय्यक संचालक (अतिरिक्त कार्यभार ) नगर रचना विभाग, मनपा जळगाव यांचेसाठी एकूण ३०,००० रुपये ची लाचेची मागणी केली होती. पहिल्या प्रकरणातील १५,००० रुपयांची लाच आज दिनांक ९ डिसेंबर २०२४ रोजी रंगेहात स्विकारली म्हणून गुन्हा दाखल करण्यात आला आहे.
यांच्या पथकाने केली कारवाई
जळगाव लाचलुचपत प्रतिबंधक विभागाचे पोलीस उपअधीक्षक योगेश ठाकूर यांच्या मार्गदर्शनाखाली पोलीस उपनिरीक्षक दिनेशसिंग पाटील पोलीस उपनिरीक्षक सुरेश पाटील, पो.ना.किशोर महाजन, राकेश दुसाने यांच्या पथकाने ही कारवाई केली.
