(उपसंपादक – कल्पेश महाले)
जळगाव :- खडक देवळा बु. ता. पाचोरा या ग्रामपंचायतीचा सरपंच अनिल विश्राम पाटील वय ४६ वर्षे, व्यवसाय (सरपंच खडक देवळा बुद्रुक ता. पाचोरा)व त्याचा खाजगी पंटर बलराम हेमराज बिल, वय ४६ वर्षे, खाजगी इसम यांना दहा हजार रुपयांची लाच घेताना जळगाव येथील लाचलुचपत प्रतिबंधक विभागाच्या पोलीस निरीक्षक स्मिता नवघरे, पोलीस उपनिरीक्षक दिनेशसिंग पाटील, पो.कॉ. राकेश दुसाने यांच्या पथकाने अटक केली.
प्रधानमंत्री आवास योजनेअंतर्गत तक्रारदार यांचे घरकुल मंजूर झालेले होते. परंतु तक्रारदार राहत असलेली जागा त्यांच्या नावावर नसल्याने त्यांच्या नावावर गाव नमुना नंबर ८ मध्ये नाव लावायचे होते. ग्रामसेवकाकडून हे काम करून घेण्याच्या मोबदल्यात सरपंच अनिल पाटील यांनी तक्रारदार यांच्याकडे १० हजार रुपयाची लाचेची मागणी केली होती. त्याबाबत तक्रारदार यांनी जळगाव लाचलुचपत प्रतिबंधक विभागाकडे तक्रार दिली होती. त्यानंतर सदर तक्रारीचे अनुषंगाने लाच मागणी पळताना केली असता, १० हजार रुपयाची लाच सरपंचाच्या सांगण्यावरून स्वीकारताना त्याचा खाजगी पंटर बलराम भिल यास एसीबीने रंगेहात पकडले.
सदरच्या कारवाईकामी पोलीस निरीक्षक नेत्रा जाधव, पो.हे.कॉ. रवींद्र घुगे, सुनील वानखेडे, शैला धनगर, पो.ना. किशोर महाजन, बाळू मराठे, पो.कॉ.प्रणेश ठाकूर, अमोल सूर्यवंशी यांचे सहकार्य मिळाले. सदरची कारवाई जळगांव लाचलुचपत प्रतिबंधक विभागाचे पोलीस उपाधीक्षक योगेश ठाकुर यांच्या मार्गदर्शनाखाली करण्यात आली.
