सहा हजार रुपयांची लाच स्वीकारतांना तलाठीला जळगांव एसीबीने रंगेहात पकडले.
उपसंपादक – कल्पेश महाले
पारोळा – तक्रारदार पुरुष, वय ४२ वर्ष व त्यांचे भाऊ यांच्या शेवगे बुद्रुक ता. पारोळा येथील एन.ए.(N.A.) झालेल्या शेतातील ९ प्लॉटवर नोंदी लाऊन देण्याच्या मोबदल्यात प्रत्येक नोंद घेण्यासाठी ११३० रुपये प्रमाणे एकूण ९ नोंदी लाऊन देण्याच्या मोबदल्यात १०,१७० रुपयांची तलाठी महेशकुमार भाईदास सोनवणे, वय ५० वर्ष, सजा शेवगे बुद्रुक ता.पारोळा याने लाचेची मागणी केली होती.
दिनांक २७/०२/२०२५ रोजी पंचांसमक्ष पडताळणी केली असता तक्रारदार यांच्या एन. ए. झालेल्या शेतातील ९ प्लॉट वर नोंदी लावून देण्याच्या मोबदल्यात ११३० रुपये प्रमाणे ९ नोंदीचे १०,१७० मागणी करुन तडजोडअंती ६००० रुपयांची लाच पंचासमक्ष रंगेहात स्वीकारली म्हणून आरोपी तलाठी महेशकुमार सोनवणे याच्याविरुद्ध पारोळा पोलीस स्टेशन येथे गुन्हा दाखल करण्यात आला आहे.
यांच्या पथकाने केली कारवाई
सदरील कारवाई जळगांव लाचलुचपत प्रतिबंधक विभागाचे पोलीस उपअधीक्षक योगेश ठाकूर यांच्या मार्गदर्शनाखाली पोलीस निरीक्षक स्मिता नवघरे, पो.हे.कॉ. किशोर महाजन, पो.कॉ. राकेश दुसाणे, पो.कॉ. प्रदिप पोळ यांच्या पथकाने केली.
