मतदान जनजागृतीसाठी मधुकर ठाकूर पुन्हा एकदा मैदानात….
प्रतिनिधी इम्रान शेख
कासोदा – जो तो आपला आपल्या पक्षाचा प्रचार, पार्टीचा प्रचार करताना आपण बघितलं असेल, पण कोणालाही मतदान करा, पण मतदान करा असा प्रचार आपण कधीच बघितला नसेल, मतदानासंबंधी समाज जनजागृती साठी, लोकांच्या बोलण्याचा विचार न करता, आपल्या बहुमूल्य मतदानाचे महत्त्व समजावून देण्यासाठी कासोद्याचे ६१ वर्षाचे मधुकर ठाकूर हे २००१ पासून मतदारांमध्ये स्वयं खर्चाने, मतदारांमध्ये आपल्या बहुमूल्य मतदानाचे महत्व पटवून देण्याचे काम करीत आहे.
आपल्या दुचाकी सायकलवर भोंगा स्पीकर व मोठा फलक लावून, त्यावर मतदान करा, आपले एक मत आपले भविष्य आहे. मतदानाची टक्केवारी वाढवा, आपल्या गावाचे व शहराचे जिल्ह्याचे नाव अव्वल करा. मतदान करा, लोकशाहीला बळकट करा. पैशाला बळी पडू नका, आपले मत विकू नका. असे लिहिलेले फलक व माईक मध्ये बोलून मतदारांमध्ये जनजागृती करणारे कासोदा शहरातील ६१ वर्षीय मधुकर ठाकूर हे करीत आहे.
या आगळ्यावेगळ्या प्रचाराचे कासोदा शहरातून व परिसरातून मधुकर ठाकूर यांचे सर्वत्र कौतुक केले जात आहे. आपला प्रपंच सांभाळून मिळेल त्या वेळेत समाजाला काळीमा फासणाऱ्या, बालविवाह, हुंडाबळी, व्यसनमुक्ती, झाडे लावा झाडे जगवा, उघड्यावर स्वच्छालय, वीज चोरी अत्याचार सारख्या विषयांवर मधुकर ठाकूर हे नेहमी नागरिकांमध्ये २००१ पासून जनजागृती करीत आहे.
उल्लेखनीय जनजागृती कामगिरी बद्दल जिल्हाअधिकारी आयुष प्रसाद यांच्या हस्ते मधुकर ठाकूर यांचा सत्कार
गेल्या लोकसभा निवडणुकीत सुद्धा त्यांनी मोठ्या उत्साहात गावामधून मतदान व्हावे म्हणून बरेच प्रयत्न केले होते. त्यांच्या या उल्लेखनीय जनजागृती कामगिरी बद्दल जिल्हा अधिकारी आयुष प्रसाद यांच्या हस्ते त्यांचा सत्कार सुद्धा करण्यात आला. आता पुन्हा एकदा विधानसभा निवडणुक मध्ये मतदारांनी १००% मतदान करा म्हणून, मतदान जनजागृतीसाठी मधुकर ठाकूर पुन्हा एकदा मैदानात उतरले आहे.
