राज्य उत्पादन शुल्क चाळीसगाव विभागाकडून अवैध मद्यावर संयुक्त कारवाई
उपसंपादक – कल्पेश महाले
चाळीसगाव – राज्य उत्पादन शुल्क विभागाचे आयुक्त डॉ. श्री.विजय सूर्यवंशी, जळगाव जिल्हाधिकारी श्री.आयुष प्रसाद, सह-आयुक्त श्री.पी.पी. सुर्वे साहेब (दक्षता अंमलबजावणी), श्रीमती उषा वर्मा मँडम, विभागीय उप आयुक्त, राज्य उत्पादन शुल्क, नाशिक विभाग, श्री. डॉ. व्ही. टी. भूकन अधिक्षक, राज्य उत्पादन शुल्क,जळगाव यांच्या मार्गदर्शनानुसार व सार्वत्रिक विधानसभा निवडणूक – २०२४ आचारसंहितेच्या अनुषंगाने दि. १५/१०/२०२४ पासून अवैध हातभट्टी निर्मिती, वाहतूक,अवैध ढाब्यांवर मद्यविक्री यांच्यावर दुय्यम निरीक्षक बीट. क्रं. १, २ व ३ यांचे सोबत चाळीसगाव, भडगाव,पाचोरा व जामनेर या तालुक्यात संयुक्त विशेष मोहीम राबवून महाराष्ट्र दारूबंदी कायदा १९४९ नुसार एकूण- ४७ गुन्हे दाखल करण्यात आले असून दारूबंदी गुन्ह्याच्या मुद्देमालासह दुचाकी वाहन असा एकूण किमंत रुपये- १३,३१,५१०/- चा मुद्देमाल जप्त करण्यात आलेला आहे. तसेच अवैध मद्य विक्री, वाहतूक यावर दररोज धाडसत्र राबविण्यात येत आहे. सदर कारवाई करतेवेळी श्री. के. एन. गायकवाड निरीक्षक, राज्य उत्पादन शुल्क, चाळीसगाव, श्री.डी. एस. पाचपोळे दु. नि. बीट क्र. १, श्री. व्ही. जी. पाटील दु.नि. बीट क्र. २, श्री.एस. पी. कुटे दु.नि. बीट क्र. ३, श्री. बी. डी. बागले सहा. दु. नि., श्री. बी. एन. पाटील जवान, ब. न. ०१, श्री. गिरीश पाटील जवान, श्री. योगेश राठोड जवान यांनी सदर कारवाई केलेली आहे.
तरी जनतेस आवाहन करण्यात येते की, अवैध मद्य निर्मिती, वाहतूक, व विक्री संदर्भात कोणतीही माहिती अथवा तक्रार असल्यास या विभागाचा टोल फ्री क्र. 18002339999 व व्हाटस अप क्र. 8422001133 या क्रमांकावर संपर्क साधावा. असे आवाहन राज्य उत्पादन शुल्क विभागाकडून करण्यात आले आहे.
