प्राथमिक आरोग्य केंद्र कासोदा याच्या तर्फे हिवताप प्रतिरोध करिता विविध कार्यक्रमांचे आयोजन
प्राथमिक आरोग्य केंद्र कासोदा याच्या तर्फे हिवताप प्रतिरोध करिता विविध कार्यक्रमांचे आयोजन
प्रतिनिधी इमरान शेख
कासोदा – राष्ट्रीय किटकजन्य रोग नियंत्रण कार्यक्रम अंतर्गत हिवताप प्रतिरोध महिना म्हणून जून महिना साजरा करण्यात येतो.
कासोदा प्राथमिक आरोग्य केंद्राद्वारे “हिवताप प्रतिरोध महिना जून २०२४ ” कार्यक्रमाचे आयोजन पुर्ण जून महिण्यात करण्यात आले. जिल्हा हिवताप अधिकारी डॉ. तुषार देशमुख साहेब यांच्या आदेशानुसार हा कार्यक्रम राबविण्याचे ठरवले असता आरोग्य पर्यवेक्षक श्री. भंगाळे साहेब यांनी कार्यक्रम यशस्वीरित्या पार पडण्यासाठी वेळोवेळी पाठपुरवा घेतला.
यामध्ये विविध कार्यक्रम जून महिन्यामध्ये करुन पावसाळी आजारा विषयी जनजागृति करण्यात आली. यामध्ये आरोग्य शिक्षण देण्यात आले तसेच कंटेनर सर्वेक्षण जलद ताप रुग्ण सर्वेक्षण इत्यादी कार्य करण्यात आले.
श्री. मिलिंद गायकवाड (आरोग्य निरीक्षक) यांच्या मार्गदर्शनाखाली वरील विविध सर्वेक्षण व जनजागृति विविध गावांमधे करण्यात आले. याप्रसंगी श्री. मनवर (एलएचही) श्री राजेश पवार (एलएसओ) यांनी देखील वेळोवेळी सहकार्य केले. आशा सेविका यांना बी एस बद्दल प्रशिक्षण दिले तसेच महिनाभर राबविण्यात येणारा कार्यक्रम यांची महीती देण्यात आली. कासोदा प्रा.आ.केंद्र अंतर्गत येणारे उपकेंद्रा द्वारे देखील विविध कार्यक्रम राबविण्यात आले. डॉ.राधिका पालवे (सी.एच.ओ.) श्री. नितीन खैरनार (आरोग्य सेवक) कंदारे (कर्मचारी) यांनी बांभोरी गावात आरोग्य शिक्षण दिले व जलजन्य आजारा पासून बचाव कसा करावा याची महीती दिली. श्री.अतुल सोनवणे (आरोग्य सेवक) यांनी पळसदळ गावामधे कंटेनर सर्वेक्षण केले व डास उत्पत्ती स्थानकांमधे गप्पी मासे सोडण्यात आले. श्री.आर एस पाटील (आरोग्य सेवक) व आशा यांनी मालखेडा येथिल जि. प. शालेय विद्यार्थि यांना हिवताप व स्वच्छता विषयी महीती दिली.
श्रीमती. सीमा पानपाटील व श्रीमती सारिका पाटील या दोन्ही गटप्रवर्तक यांनी सर्व आशा यांना विविध कार्यक्रमाचे नियोजन करून त्यांना विविध गावामध्ये जाऊन हा कार्यक्रम राबविण्यास मदत केली.
हिवताप प्रतिरोध महिना यशस्वी राबविण्या करिता अधिकारी वर्ग, आरोग्य सेवक/ सेविका व सर्व आशा तसेच इतर कर्मचारी यांनी परिश्रम घेतले
