पारोळा तालुक्यातील शिवरे दिगर येथील तलाठी महिला २५०००/- रुपयांची लाच घेताना एसीबी च्या जाळ्यात.
पारोळा तालुक्यातील शिवरे दिगर येथील तलाठी महिला २५०००/- रुपयांची लाच घेताना एसीबी च्या जाळ्यात.
उपसंपादक – कल्पेश महाले
जळगांव – जळगाव जिल्ह्यातील पारोळा तालुक्यातील शिवरे दिगर गावातील रहिवासी तक्रारदार असुन त्यांचा विटभट्टीचा व्यवसाय आहे. विट उत्पादनासाठी त्यांना मातीची आवश्यकता असल्याने, मातीची वाहतूक करण्याकरिता त्यांनी श्रीमती वर्षा काकुस्ते, तलाठी मौजे शिवरे दिगर यांची भेट घेतली असता त्यांनी तक्रारदार यांच्याकडून गौण खनिजाची रॉयल्टी भरण्याकरिता २५०००/- रू. जमा करून घेतले. त्यानंतर तक्रारदार यांनी गौण खनिज परवान्याची चौकशी करण्याकरिता तलाठी वर्षा काकुस्ते यांची भेट घेतली असता, त्यांनी तक्रारदार यांच्याकडे यापूर्वी दिलेल्या पैशांची पावती न देता त्या व्यतिरिक्त २५०००/- रू. लाचेची मागणी केल्याची लाच प्रतिबंधक विभाग, धुळे कार्यालयात १२/१२/२०२३ रोजी तक्रार दिली होती.
सदर तक्रारीची दि.१३/१२/२०२३ रोजी पडताळणी केली असता, पडताळणी दरम्यान वर्षा काकुस्ते, तलाठी शिवरे दिगर यांनी तलाठी कार्यालय शिवरे दिगर येथे त्या दिवशी पुन्हा त्यांचे पारोळा येथील शासकीय निवासस्थानी तक्रारदार यांच्याकडे २५०००/- रूपये लाचेची मागणी करून सदर लाचेची रक्कम स्विकारण्याचे मान्य केले म्हणून त्यांचे विरुद्ध पारोळा पोलीस स्टेशन जिल्हा धुळे येथे भ्रष्टाचार प्रतिबंधक कलमान्वये गुन्हा दाखल करण्यात आला आहे.
सदरील कारवाई लाचलुचपत प्रतिबंधक विभाग धुळे श्री.अभिषेक पाटील उपअधीक्षक यांच्या मार्गदर्शनाखाली रूपाली खांडवी पोलीस निरीक्षक तसेच पथकातील राजन कदम, मुकेश अहिरे,प्रशांत बागुल, संतोष पावरा, रामदास बारेला, मकरंद पाटील, प्रविण मोरे, प्रविण पाटील, सुधीर मोरे, जगदीश बडगुजर यांच्या पथकाने केली आहे.
सदरील कारवाई नाशिक लाचलुचपत प्रतिबंधक विभाग, नाशिक परिक्षेत्राचे पोलीस अधीक्षक मा.शर्मिष्ठा वालावलकर, अप्पर पोलीस अधीक्षक मा.श्री.माधव रेड्डी व वाचक पोलीस अधीक्षक मा.श्री नरेंद्र पवार यांचे मार्गदर्शन लाभले आहे.
