दहा हजार रुपयांची लाचेची मागणी भोवली; एक हजार रुपयांची लाच स्वीकारताना मुख्याध्यापक रंगेहाथ तर मुख्याध्यापकासह शिक्षण विस्तार अधिकारी जळगांव एसीबीच्या जाळ्यात.
उपसंपादक – कल्पेश महाले
जळगांव – तक्रारदार पुरुष, वय ३७ वर्ष, रा. पारोळा जि.जळगाव येथील रहिवासी असून तक्रारदार हे प्राथमिक शाळा पिंपळकोठा येथे शिक्षक या पदावर नेमणुकीस आहेत. तक्रारदार यांच्या पिंपळकोठा शाळेचे गेल्या सोमवारी जेे डी पाटील, शिक्षण विस्तार अधिकारी यांनी इन्स्पेक्शन केले होते आणि या इन्स्पेक्शन मध्ये शिक्षण विस्तार अधिकारी यांनी चांगला शेरा लिहावा म्हणून १० हजार रुपये मागितले आहेत आणि ते सर्व शिक्षकांना द्यावे लागतील असे मुख्याध्यापक बळीराम सोनवणे याने प्रत्येकी १०००/- रुपये घेतले होते. तक्रारदार व अन्य एक शिक्षक यांचे असे एकूण २०००/- रुपये बाकी होते. त्याबाबत तक्रारदार यांचेकडून १०००/- रुपये लाचेची मागणी शाळेच्या मुख्याध्यापकाने केली होती. त्याबाबत तक्रारदार यांनी आज रोजी लाचलुचपत प्रतिबंधक विभाग जळगांव येथे तक्रार दिली होती.
सदर तक्रारीप्रमाणे साक्षीदार शिक्षक व पंचासमक्ष पडताळणी केली असता बळीराम सुभाष सोनवणे, वय – ५५ वर्ष, मुख्याध्यापक जि.प. मराठी शाळा पिंपळकोठा ता.एरंडोल याने शिक्षण विस्तार अधिकारी जे डी पाटील पंचायत समिती, एरंडोल यांनी १०,०००/- रुपये सांगितले आहेत तुम्हाला यावेळी पैसे द्यावेच लागतील असे सांगून तक्रारदार यांच्याकडून १०००/- रुपये लाच रक्कम घेताना मुख्याध्यापक बळीराम सोनवणे याला जि.प. मराठी शाळा पिंपळकोठे येथे रंगेहाथ पकडण्यात आले आहे. तसेच शिक्षण विस्तार अधिकारी जे डी पाटील याची फोनद्वारे पडताळणी केली असता त्याने २०००/- रुपये मिळाल्याबाबत विरोध दर्शवला नाही व नंतर कॉल करतो असे सांगून लाच रकमेबाबत कोणताही विरोध दर्शवला नाही. सदर बाबत अधिक तपास करून संशयित आरोपी शिक्षण विस्तार अधिकारी याच्याविरुद्ध कारवाई चालू असून एरंडोल पोलीस स्टेशन येथे गुन्हा दाखल करण्याची प्रक्रिया सुरू आहे.
यांच्या पथकाने केली कारवाई
सदरील करवाई योगेश ठाकूर पोलीस उपाधीक्षक लाचलुचपत प्रतिबंधक विभाग जळगांव यांच्या मार्गदर्शनाखाली सहा.पोलीस उपनिरीक्षक सुरेश पाटील, पो.ना. बाळू मराठे, पो.कॉ. राकेश दुसाने यांच्या पथकाने केली.
